LA OLA

 LA OLA

Hasteko, La Ola izeneko filman, bigarren hezkuntzako irakasle batek esperimentu bat egiten du bere gelan ikasleei faxismoa nola sortzen den erakusteko. "La Ola" izeneko mugimendua sortzen dute, diziplina, obedientzia eta komunitate-zentzua sustatzen dituena, baina berehala deskontrolatu egiten da eta ikasleak autoritasimo sistema horretako paperean sartzen dira. Hori dela eta, esperimentua arriskutsua eta totalitarioa bihurtzen hasten da. Ondorioz, esperimentu hau ikusita, argi geratzen da pertsonak erraz manipulatu daitezkeela.

Behin filma ikusita, zenbait alderdik nire arreta deitu dute. Besteak beste, irakasle izatearen figura ze nolako autoritatea eragiten duen ikasleengan eta zenbat kasu egiten dioten irakasleari esaten dioten guztiari. Adibidez, esaten dienean sistema autoritario bat sortuko dutela eta irakasleari Mr/señor Wenger deitu behar diotenean. Bertan ikus daiteke, ikasleek haien gainetik norbait dagoela ikusten badute eta zerbait "horrela eta horrela" egin behar dutela esaten dietenean, azkar obeditzen dute eta egiten dute. Hor agerian geratzen da pertsonak oso erraz manipulatu daitezkeela. 

Ildo beretik jarraituz, irakasleek beren erantzukizunaz eta beren ekintzek gazteengan izan dezaketen eraginaz jabetu behar dute, izan ere, irakasleek eragin handia dute ikasleengan.

Ondorioz, irakasle zein etorkizuneko irakasleok kontuz ibili behar gara nola eta zer irakasten dugun ikasgelan eta zein modutan, ze azkenean, segun eta nola azaldu edo transmititu eduki bat, ikasleengan ondorio negatiboak izan dezake. Azkenean, irakasleek ikasleen iritzi kritikoaren eraketan eragin handia dute.

Azkenik, etorkizuneko irakasle bezala, filma ikusi eta gero zenbait alderdiren inguruan hausnartzeko aukera eman dit. Hori dela eta, nire etorkizuneko irakasle-lanean aplikatuz, ikasleen artean pentsamendu kritikoa sustatuko nuke, inoiz ez manipulatuak ez izateko eta horren aurrean kontzientzia pizteko. Horrez gain, talde presioa saihestu nahiko nuke, izan ere, askotan ikasle asko talde baten parte izateko presio hori dute. 

Irati Albeniz